प्रोस्टेट कॅन्सर हा पुरुषांमधील कर्करोगाचा सामान्य प्रकार आहे. हा एक जीवघेणा आजार आहे, जो 50 ते 55 वर्षे वयानंतर पुरुषांना प्रभावित करतो. वयाच्या 80 व्या वर्षी, सुमारे 90 टक्के पुरुष प्रोस्टेट कर्करोगाचे बळी होतात. प्रोस्टेट ही एक ग्रंथी आहे, ज्याचा आकार अक्रोड सारखा असतो. हे पुरुषांच्या मूत्राशय आणि खाजगी भागांमध्ये स्थित असते. जेव्हा प्रोस्टेटमधील पेशी असामान्यपणे वाढू लागतात तेव्हा त्या ट्यूमरचे रूप घेतात, ज्याला प्रोस्टेट कर्करोग म्हणतात.
प्राथमिक अवस्थेत आढळून आल्यास रोगावर उपचार करता येतात. याशिवाय काही गोष्टींचा आहारात समावेश करून तुम्ही ते वाढण्यापासून रोखू शकता. गॅस्ट्रोएन्टेरोलॉजिस्ट आणिगट एक्‍सपर्ट डॉ. ॲलन डेसमंड यांनी लिनवुड हेल्थ फूडसह प्रोस्टेट निरोगी ठेवण्यासाठी काही टिप्स शेअर केल्या आहेत.
टोमॅटो खा :
प्रोस्टेटचे निदान झाल्यानंतर, आपण टोमॅटो आणि टोमॅटो उत्पादनांचे अधिक सेवन करावे. वास्तविक, पिकलेल्या टोमॅटोमध्ये लाइकोपीन नावाचे तत्व असते. याचे मोठ्या प्रमाणात सेवन केल्यास प्रोस्टेट कर्करोग होण्याचा धोका 35 टक्क्यांनी कमी होतो. जर तुम्ही टोमॅटोचे चाहते नसाल तर जर्दाळू आणि टरबूजही तितकेच फायदेशीर ठरतील.
फायटोन्यूट्रिएंट्सचे सेवन वाढवा :
प्रोस्टेटची वाढ रोखण्यासाठी फायटोन्यूट्रिएंट्स हा एक चांगला मार्ग आहे. त्यात बीटा कॅरोटीन, लाइकोपीन, ल्युटीन, झेक्सॅन्थिन आणि व्हिटॅमिन सी मुबलक प्रमाणात आढळतात. हे सर्व तुम्हाला गाजर, टोमॅटो, पालक, रताळे, ब्रोकोली, पालेभाज्या, कॉर्न, संत्री, खरबूज आणि किवीमध्ये सहज मिळू शकते.
ओमेगा 3 फॅटी ऍसिडचे सेवन करा :
प्रोस्टेटची लक्षणे दिसू लागल्यावर आपल्या आहारात फ्लॅक्ससीड, चिया सीड्स आणि अक्रोडाचे सेवन करणे खूप फायदेशीर आहे. वास्तविक, या सर्व गोष्टीमध्ये ओमेगा 3 फॅटी ऍसिड भरपूर असतात आणि प्रोस्टेट कर्करोगाचा धोका मोठ्या प्रमाणात कमी करतात.
ग्रीन टी प्या :
तज्ज्ञांच्या मते, ग्रीन टीचे नियमित सेवन केल्यास प्रोस्टेटच्या समस्यांपासून आराम मिळतो. ग्रीन टीमध्ये कॅटेचिन नावाचे अँटीऑक्सिडेंट असते, जे कर्करोगाचा धोका कमी करण्यासाठी खूप प्रभावी आहे. त्यामुळे आठवड्यातून काही दिवस कॉफीऐवजी ग्रीन टी पिण्याचा प्रयत्न करा, ते खूप फायदेशीर ठरेल.
सोया प्रोडक्टस आहेत फायदेशीर :
प्रोस्टेट कॅन्सरमध्ये टोफू आणि सोया मिल्क यांसारखे सोया पदार्थ खूप फायदेशीर मानले जातात. त्यामध्ये असलेले आयसोफ्लाव्होन प्रोस्टेट कर्करोगापासून तुमचे संरक्षण करतात. या पोषक तत्वाचे सेवन वाढवण्यासाठी तुम्ही तुमच्या आहारात सोयापासून बनवलेल्या उत्पादनांचा समावेश करावा.
