अटल सेतूवर इलेक्ट्रिक वाहनांना आजपासून टोलमाफी !

(Atal Setu) इलेक्ट्रिक वाहनधारकांसाठी मोठी दिलासादायक बातमी आहे. अटल सेतूवरून प्रवास करणाऱ्या खासगी व शासकीय इलेक्ट्रिक चारचाकी वाहनांना आजपासून टोलमाफी मिळणार आहे. सरकारने 21 ऑगस्टपासून ही सवलत लागू करण्याचा निर्णय घेतला होता आणि आता त्याची अंमलबजावणी प्रत्यक्षात होत आहे.

एप्रिल महिन्यातच या निर्णयाची घोषणा करण्यात आली होती, मात्र प्रत्यक्ष अंमलबजावणीसाठी पाच महिने लागले. आता अटल सेतूवर सुरुवात झाल्यानंतर, पुढील काही दिवसांत मुंबई-पुणे द्रुतगती मार्ग आणि समृद्धी महामार्गावरही इलेक्ट्रिक वाहनांना टोलमाफी लागू होण्याची शक्यता व्यक्त केली जात आहे.